ԱՄՆ ազգային անվտանգության հարցերով խորհրդականը եզրափակիչ այցը կկատարի Հնդկաստան
Նախագահ Ջո Բայդենի ազգային անվտանգության հարցերով խորհրդական Ջեյք Սալիվանը եզրփակիչ այցով հաջորդ շաբաթ կժամանի Հնդկաստան՝ ընդգծելու Նյու Դելիի հետ Վաշինգտոնի գործընկերության կարևորությունը: Այս մասին հայտնել է Սպիտակ տունը։
Այցը կդառնա Հնդկախաղաղօվկիանոսյան տարածաշրջանում Չինաստանի ազդեցությանը հակազդելու Վաշինգտոնի ռազմավարական ուղու շրջանակում վարչապետ Նարենդրա Մոդիի կառավարության հետ կապերն ամրապնդելու վարչակազմի ջանքերի ավարտը, հայտնում է Ամերիկայի ձայնը:
Սալիվանը կքննարկի մի շարք հարցեր, ներառյալ քաղաքացիական միջուկային էներգիայի ոլորտում գործընկերությունը, Չինաստանի տնտեսական հզորությունը կիսահաղորդիչների և կենսադեղագործության ասպարեզում, ռազմավարական տեխնոլոգիական համագործակցությունը և անվտանգության ոլորտի այլ ընդհանուր առաջնահերթություններ, հայտնել է վարչակազմի երկրորդ պաշտոնյան:
