«Range Rover»-ի վարորդի ինքնազգացողությունը վարելիս վատացել է, մեքենան բախվել է կայանված «Lexus»-ին, ապա՝ ծառին, «Lexus»-ն էլ բախվել է «BMW»-ին

Դեկտեմբերի 29-ին ավտովթար է տեղի ունեցել Երևանում։ Ժամը 13։00-ի սահմաններում Կոմիտասի պողոտայում Երևանի բնակիչ Արթուր Մ․-ն իր վարած «Range Rover» մակնիշի ավտոմեքենայով բախվել է կայանված վիճակում գտնվող Երևանի բնակիչ Արուսիկ Ս․-ի «Lexus» մակնիշի ավտոմեքենային, ապա բախվել է ծառին, իսկ «Lexus»-ն էլ բախվել է Երևանի բնակիչ Անդրանիկ Ք․-ի «BMW» մակնիշի ավտոմեքենային։ Այս մասին հայտնում է Shamshyan.com-ը։

Վթարի հետևանքով Արուսիկ Ս․-ն տեղափոխվել է «Նաիրի» բժշկական կենտրոն։

«Range Rover»-ի վարորդ Արթուր Մ․-ն պարեկներին հայտնել է, որ վթարի պատճառը եղել է ավտոմեքենան վարելու ժամանակ ինքնազգացողության վատացումը։