Սիրիայի նոր ղեկավարն Իրանին կոչ է արել վերանայել իր տարածաշրջանային «ինտերվենցիայի» քաղաքականությունը
Սիրիայի նոր ղեկավար Ահմեդ ալ-Շարաան Al Arabiya հեռուստաալիքին տված հարցազրույցում կոչ է արել Իրանին վերանայել իր տարածաշրջանային «ինտերվենցիայի» քաղաքականությունը։
Ըստ նրա, «ընդդիմադիր ուժերը պաշտպանել են իրանական դիրքերը Սիրիայում հարձակման ժամանակ, որը հանգեցրել է Ասադի տապալմանը»։
Ալ-Շարաան հայտարարել է, որ ընդդիմադիր զինյալները նման մոտեցում են ցուցաբերել, չնայած Իրանը Ասադի հիմնական աջակիցներից մեկն էր:
Նա հավելել է, որ «այդ գործողություններին ի պատասխան Թեհրանից դրական ժեստեր էր ակնկալում, սակայն դրանք չհետևեցին»։
