Թուրքիան մտադիր է աջակցել Սիրիային էլեկտրաէներգիայի հարցում
Թուրքիայի էներգետիկայի և բնական պաշարների նախարար Ալփարսլան Բայրաքթարը հայտնել է, որ էներգետիկ ենթակառուցվածքներում ուսումնասիրություններ անելու նպատակով առաջիկայում կմեկնի Սիրիա: Այս մասին տեղեկացնում է ermenihaber.am-ը։
Ըստ նրա՝ այցի ընթացքում քննարկվելու են էլէներգետիկայի ոլորտում Սիրիայի հետ համագործակցելու և այդ երկրին աջակցություն ցուցաբերելու վերաբերյալ հարցեր:
«Սիրիայում էներգետիկայի հետ կապված առաջին խնդիրը էլեկտրականությունն է: Այն ապահովելու համար մեխանիզմ է մշակվելու»,- պարզաբանել է նախարարը:
Նշենք, որ Բայրաքթարը խոսել է նաև Լիբանանում առկա էներգետիկ խնդիրների մասին և ընդգծել, որ Լիբանանի համար առաջիկայում էլեկտրաէներգիայի մատակարարման հետ կապված ևս կարող են աշխատանքներ տարվել:
