Սիրիայում հակակառավարական ուժերի հարձակման մեկնարկից ի վեր ավելի քան 900 մարդ է զոհվել
Ավելի քան 900 մարդ, այդ թվում՝ 138 խաղաղ բնակիչ է սպանվել 11 օր առաջ թուրքամետ հակակառավարական ուժերի խոշոր հարձակման սկզբից, հայտնում է Մեծ Բրիտանիայում տեղակայված Մարդու իրավունքների սիրիական դիտորդական կենտրոնը։
Կենտրոնի տվյալներով, նոյեմբերի 27-ին ընդդիմության հարձակումը սկսվելուց ի վեր առնվազն 910 մարդ է զոհվել։
Զոհերի թվում են 138 խաղաղ բնակիչ, 380 սիրիացի և դաշնակից զինվոր և 392 ապստամբ, հաղորդում է Al Jazeera-ն:
