Թրամփը չի բացառել ԱՄՆ-ի՝ ՆԱՏՕ-ից դուրս գալու հավանականությունը

ԱՄՆ նորընտիր նախագահ Դոնալդ Թրամփը չի բացառել ԱՄՆ-ի՝ Հյուսիսատլանտյան դաշինքից դուրս գալու հնարավորությունը։ Այս մասին նա հայտարարել է NBC News-ին տված հարցազրույցում։

«Եթե նրանք չվճարեն իրենց հաշիվները, ապա իհարկե»,- պատասխանել է Թրամփը ՆԱՏՕ-ին ԱՄՆ-ի անդամակցությունը պահպանելու մասին հարցին։

Նա ընդգծել է, որ դաշնակիցների կողմից ֆինանսական պարտավորությունների կատարումը առանցքային պայման կլինի դաշինքին Վաշինգտոնի շարունակական մասնակցության համար։