Իրանցի դիվանագետները տարհանվել են Դամասկոսում երկրի դեսպանատան վրա հարձակումից առաջ
Իրանի արտաքին գործերի նախարարության խոսնակ Էսմայիլ Բաղային հայտնել է, որ Դամասկոսում Թեհրանի դեսպանության իրանցի դիվանագետները տարհանվել են տարածքից նախքան անհայտ անձանց հարձակումը, գրում է Mehr-ը։
Բաղային Tehran Times-ին հայտնել է, որ Իրանի ողջ անձնակազմն ապահով է և լքել է դեսպանատունը նախքան հարձակումը:
Այսօր՝ դեկտեմբերի 8-ի առավոտյան, հայտնի է դարձել Դամասկոսը թուրքամետ ուժերին հանձնելու մասին։ Սիրիայի ներկայիս նախագահ Բաշար Ասադի իշխանությունը տապալվել է։ Նրա գտնվելու վայրը հայտնի չէ։
«Հայաթ Թահրիր ալ-Շամի» գլխավորած թուրքամետ խմբավորումների կայծակնային հարձակումը սկսվել էր նոյեմբերի վերջին։
