Հռոմի Պապն առաջիկայում կմեկնի Թուրքիա
Հռոմի կաթոլիկ եկեղեցու հոգևոր առաջնորդ Պապ Ֆրանցիսկոսը հաջորդ տարի՝ 2025-ին ծրագրում է մեկնել Թուրքիա՝ նշելու առաջին Էկումենիկ (տիեզերական ժողով) ժողովի 1700-ամյակը:
ANSA գործակալության հաղորդմամբ՝ Պապը թեոլոգիական կոմիտեի նիստում հայտնել է. «Սուրբ տարվա ընթացքում հնարավորություն կունենանք նշել Նիկեայի ժողովի 1700-ամյակը: Ծրագրում եմ այցելել Նիկեա»:
Նշենք, որ նախկին Նիկեան ներկայիս Իզնիկ քաղաքն է, որը գտնվում է Թուրքիայի տարածքում՝ Ստամբուլից 150կմ հարավ-արևելք։ Այդտեղ 325թ.Կոստանդիանոս Ա Մեծի կողմից հրավիրվել էր քրիստոնյա եկեղեցու վարդապետների ժողով։ Այդ առաջին տիեզերական ժողովը որոշում էր ընդունել Հիսուս Քրիստոսի աստվածային և մարդկային բնույթների մասին։
