Բրազիլիայի նախկին նախագահին մեղադրանք կառաջադրվի՝ հեղաշրջման փորձի դիմելու գործի շրջանակում
Բրազիլիայի դաշնային ոստիկանությունը հինգշաբթի պաշտոնապես մեղադրանք կառաջադրի նախկին նախագահ Ժաիր Բոլսոնարոյի նկտամամբ՝ 2022 թվականի ընտրություններում պարտվելուց հետո ենթադրյալ հեղաշրջման և այլ հանցագործությունների հետաքննության շրջանակում, հայտնում է Reuters-ը՝ վկայակոչելով ոստիկանության աղբյուրները։
Ոստիկանության պաշտոնական մեղադրանքները նոր հարված կլինեն Բոլսոնարոյի՝ 2026 թվականին նախագահական ընտրություններում առաջադրվելու ծրագրերին:
Նրա դաշնակիցները ձգտում են չեղարկել դատարանի որոշումը, որն արգելում է նրան առաջադրվել նախագահի պաշտոնում, եթե նա մեղադրվի 2022 թվականին երկրի քվեարկության համակարգի օրինակարգության վրա հարձակվելու մեղադրանքով:
Ոստիկանությունը երեքշաբթի ձերբակալել է հինգ մարդու, նրանց թվում՝ Բոլսոնարոյի կաբինետի նախկին անդամին, որոնք կասկածվում են դավադրության մեջ: Այն ներառում էր այն ժամանակ ընտրված նախագահ Լուիս Ինասիո Լուլա դա Սիլվայի սպանությունը՝ նրա պաշտոնը ստանձնելուց մի քանի օր առաջ:
