Ավտովթար՝ Երևանում․ բախվել են «Mercedes»-ն ու «Nissan Altima»-ն

Այսօր՝ նոյեմբերի 16-ին, ավտովթար է տեղի ունեցել Երևանում։ Ինչպես հայտնում է Shamshyan.com-ը, ժամը 18։40-ի սահմաններում, Մազմանյան փողոցում բախվել են 51-ամյա Մագթաղինե Մ․-ի վարած «Nissan Altima» մակնիշի և 29-ամյա Սերգեյ Դ․-ի վարած «Mercedes» մակնիշի ավտոմեքենաները։

Բախման հետևանքով «Nissan»-ը դուրս է եկել երթևեկելի գոտուց և հայտնվել հետիոտնի համար նախատեսված մայթին։

Ըստ նախնական տեղեկությունների՝ վթարի հետևանքով տուժածներ չկան։