Հնդկաստանում առնվազն 36 մարդ է զոհվել ավտոբուսի՝ կիրճն ընկնելու հետևանքով
Հնդկաստանի հյուսիսում գտնվող Մարչուլա քաղաքում առավոտյան ավտոբուսը կիրճն է ընկել, որի հետևանքով առնվազն 36 մարդ է զոհվել, 10 մարդ՝ վիրավորվել։ 5 մարդ դեռ անհետ կորած է։
Այդ մասին հաղորդում է The Times of India պարբերականը։
Որոնողափրկարարական աշխատանքներին օգնում են նաև տեղի բնակիչները։ Իշխանությունները հայտարարել են, որ որոնողական աշխատանքներին զուգահեռ՝ զոհերի թիվը կարող է աճել։Նշվում է, որ 42-տեղանոց ավտոբուսն անդունդն է ընկել մոտ 200 մ բարձրությունից։
Կատարվում է հետաքննություն վթարի պատճառները պարզելու համար։
