ՔՊ-ն մերժեց Արցախի հարցով ԱԺ քննիչ հանձնաժողով ստեղծելու՝ ընդդիմության օրինագիծը
Ազգային ժողովը քվեարկում է երեկ նիստում քննարկած հարցերը: Խորհրդարանական ընդդիմության կողմից առաջարկած հարցի քննարկման ժամանակ վարման կարգով ելույթ ունեցավ «Քաղաքացիական պայմանագիր» խմբակցության պատգամավոր Հայկ Կոնջորյանը և հայտարարեց՝ իրենք դեմ են քվեարկելու նախագծին:
Նշենք, որ ընդդիմությունն առաջարկում է բռնի տեղահանված և ՀՀ տեղափոխված Արցախի Հանրապետության ժողովրդի կենսագործունեության պայմաններն ուսումնասիրելու նպատակով ԱԺ քննիչ հանձնաժողով ստեղծել։
Կոնջորյանի խոսքով՝ ընդդիմադիր գործընկերներն իրենց պատգամավորական գործառույթների շրջանակներում օժտված են բոլոր լծակներով, որ անեն հարցադրումներ, հարցապնդումներ և փորձեն գտնել բոլոր տեղեկությունները, որոնք մտահոգում են իրենց:
«Մենք երեկ հիմնական զեկուցողից չենք լսել փաստարկված հիմնավորում, թե ինչու են պետք այս հարցերի պատասխանները ստանալ հենց քննիչ հանձնաժողովի ստեղծմամբ, ՔՊ-ն դեմ է քվեարկելու նախագծին»,- ասաց պատգամավորը:
Նախագիծը երեկ զեկուցել էր «Հայաստան» խմբակցության քարտուղար Արծվիկ Մինասյանը, ով վարման կարգով ևս ելույթ ունեցավ:
«Այն ինչ լսեցինք քաղաքական մեծամասնության կողմից, ընդամենը փորձ է հրաժարվել սահմանադրական պարտականությունների կատարումից: Եթե բավարար չափով հիմնավորումներ չեք լսել, դա չի նշանակում թե փաստարկված չէ: Հսկայական միջոցներ սփյուռքից և միջազգային կառույցներից հատկացվել են Արցախի ժողովրդի կենսապայմանների բարելավման համար:
Պառլամենտը պարտավոր է իրականացնել արդյունավետ վերահսկողություն: Հիմա եթե չեք մասնակցելու, դուք տորպեդահարում և հրաժարվում եք սահմանադրական ձեր լիազորություններից»,- ասաց Մինասյանը և մինչև քվեարկությունը 20 րոպե ընդմիջում վերցրեց:
Ընդմիջումից հետո նախագծին դեմ քվեարկեց ՔՊ-ն և նախագիծը չընդունվեց:
Նշենք, որ քննիչ հանձնաժողովի ստեղծման հիմնական նպատակն Արցախի ժողովրդի կենսագործունեության ապահովման պայմանների ուսումնասիրությունն է, կարիքների գնահատման համակարգի վերլուծությունը և իրականացվող ծրագրերի միջև անհամապատասխանության փաստերի արձանագրումն ու լուծումների առաջարկը։Ազգային ժողովը քվեարկում է երեկ նիստում քննարկած հարցերը: Խորհրդարանական ընդդիմության կողմից առաջարկած հարցի քննարկման ժամանակ վարման կարգով ելույթ ունեցավ «Քաղաքացիական պայմանագիր» խմբակցության պատգամավոր Հայկ Կոնջորյանը և հայտարարեց՝ իրենք դեմ են քվեարկելու նախագծին:
Նշենք, որ ընդդիմությունն առաջարկում է բռնի տեղահանված և ՀՀ տեղափոխված Արցախի Հանրապետության ժողովրդի կենսագործունեության պայմաններն ուսումնասիրելու նպատակով ԱԺ քննիչ հանձնաժողով ստեղծել։
Կոնջորյանի խոսքով՝ ընդդիմադիր գործընկերներն իրենց պատգամավորական գործառույթների շրջանակներում օժտված են բոլոր լծակներով, որ անեն հարցադրումներ, հարցապնդումներ և փորձեն գտնել բոլոր տեղեկությունները, որոնք մտահոգում են իրենց:
«Մենք երեկ հիմնական զեկուցողից չենք լսել փաստարկված հիմնավորում, թե ինչու են պետք այս հարցերի պատասխանները ստանալ հենց քննիչ հանձնաժողովի ստեղծմամբ, ՔՊ-ն դեմ է քվեարկելու նախագծին»,- ասաց պատգամավորը:
Նախագիծը երեկ զեկուցել էր «Հայաստան» խմբակցության քարտուղար Արծվիկ Մինասյանը, ով վարման կարգով ևս ելույթ ունեցավ:
«Այն ինչ լսեցինք քաղաքական մեծամասնության կողմից, ընդամենը փորձ է հրաժարվել սահմանադրական պարտականությունների կատարումից: Եթե բավարար չափով հիմնավորումներ չեք լսել, դա չի նշանակում թե փաստարկված չէ: Հսկայական միջոցներ սփյուռքից և միջազգային կառույցներից հատկացվել են Արցախի ժողովրդի կենսապայմանների բարելավման համար:
Պառլամենտը պարտավոր է իրականացնել արդյունավետ վերահսկողություն: Հիմա եթե չեք մասնակցելու, դուք տորպեդահարում և հրաժարվում եք սահմանադրական ձեր լիազորություններից»,- ասաց Մինասյանը և մինչև քվեարկությունը 20 րոպե ընդմիջում վերցրեց:
Ընդմիջումից հետո նախագծին դեմ քվեարկեց ՔՊ-ն և նախագիծը չընդունվեց:
Նշենք, որ քննիչ հանձնաժողովի ստեղծման հիմնական նպատակն Արցախի ժողովրդի կենսագործունեության ապահովման պայմանների ուսումնասիրությունն է, կարիքների գնահատման համակարգի վերլուծությունը և իրականացվող ծրագրերի միջև անհամապատասխանության փաստերի արձանագրումն ու լուծումների առաջարկը։
