Նշվել է կյանքը 10 տարով երկարացնելուն ուղղված հինգ քայլ
Բժիշկ և գիտնական Ֆեդերիկա Ամատին հնչեցրել է հինգ ցուցում, որոնց հետևելու դեպքում կյանքի տևողությունը տասը տարով կավելանա: Այդ մասին գրում է Express- ը:
Ամատին առանձնացրել է կյանքի առավելագույն տևողությամբ հինգ «կապույտ գոտիներ»՝ ճապոնական Օկինավա կղզին, իտալական Սարդինիան, հունական Իկարիան, Կոստա Ռիկայի Նիկոյա թերակղզին և Կալիֆորնիայի Լոմա Լինդա շրջանը:
Նրա խոսքով, այս վայրերում երկարակյացների աննորմալ թիվը պայմանավորված է նրանց սննդակարգով. նրանք հավատարիմ են բուսական սննդակարգին. ուտում են մրգեր, բանջարեղեն, հացահատիկներ և լոբազգիներ:
«Ամեն օր այդ սննդամթերքի այս համադրությունն օգնում է պահպանել մեր օրգանիզմի իմունային և հակաբորբոքային գործառույթները երկար և առողջ կյանքի համար»,- բացատրել է նա:
Երկրորդ ցուցումն է՝ ավելի շատ շարժվել: Ամատին բացատրել է, որ ամեն օր պետք է շատ քայլել. լինի դա զբոսանք, գնումներ, թե մարզանք:
Մեկ այլ ցուցում է պահպանել չափավոր ուտելը: Այնպես որ, ըստ բժշկի, Օկինավա կղզում մարդիկ նախընտրում են հագենալ «80 տոկոսով»:
«Կապույտ գոտիներում» մարդիկ նվազագույն սնունդ են ընդունում վաղ երեկոյան, որից հետո նրանք այլևս չեն ուտում մինչև օրվա վերջ»,- հավելել է Ամատին:
Նա նաև կոչ է արել ավելի քիչ ալկոհոլ օգտագործել և խուսափել սթրեսից:
