Որո՞նք են Թուրքիայի առջև ծառացած ամենահրատապ խնդիրները

«ASAL Research» կազմակերպությունը Թուրքիայի 26 նահանգում հարցում է անցկացրել՝ պարզելու թե որոնք են այդ երկրի ամենահրատապ խնդիրները: Արդյունքների ամփոփումից պարզվել ՝, որ հարցվածների շուրջ 55%-ը որպես ամենակարևոր խնդիրներ նշել է տնտեսությունը, գնաճը և թանկությունը։ Այս մասին տեղեկացնում է ermenihaber.am-ը։

Մյուս ուշագրավ հարցերը ներառում էին սոցիալական արդարադատության հարցը՝ 10․8% և ներգաղթյալների խնդիրը՝ 5․2%։ Նշվել են նաև գործազրկությունը, կրթությունը, ահաբեկչությունը և բարոյական արժեքները, բայց ավելի ցածր տոկոսներով:

Ըստ տոկոսային հարաբերակցության առաջնային խնդիրները դասակարգվել են հետևյալ կերպ․

Տնտեսություն/թանկություն – 54․5%

Սոցիալական արդարություն – 10.8%

Ամեն ինչ խնդիր է –  9․7%

Ներգաղթյալներ – 5․2%

Գործազրկություն –  4.3%

Կրթություն –  2.8%

Ահաբեկչություն – 2.0%

Այլ – 2.0%

Բարոյական արժեքների անկում – 1․7%

Անվտանգություն –  1.3%

Քաղաքային ենթակառուցվածքներ/երկրաշարժ – 1.1%

Քրդական հարց – 1%

Խնդիր չկա –  0.8%

Առողջապահություն – 0.6%