Ուկրաինայի էներգետիկ հզորության 70%-ը ոչնչացվել է. Բորել
Ուկրաինայի էներգետիկ հզորության 70%-ը ոչնչացվել է, ԵՄ ԱԳ նախարարները կքննարկեն Կիևին էներգետիկ աջակցության ուժեղացումը և հակաօդային պաշտպանության համակարգերի մատակարարումը։ Այս մասին հայտարարել է ԵՄ արտաքին քաղաքականության ծառայության ղեկավար Ժոզեպ Բորելը ԵՄ ԱԳ նախարարների հանդիպմանը ժամանելուն պես։
«Ուկրաինայում մենք պետք է փորձենք խուսափել էներգահամակարգի ամբողջական ոչնչացումից, հիմա ամառ է, բայց ձմռան համար ես կոչ կանեմ ԱԳ նախարարներին ապահովել ավելի շատ աջակցություն էներգիայի արտադրության հզորությունը վերականգնելու կամ փոխարինելու համար: Երկրորդը հակաօդային պաշտպանության համակարգերն են»,- ասել է Բորելը:
