Լավրովը Նյու Յորքում է
ՌԴ ԱԳ նախարար Սերգեյ Լավրովը ժամանել է Նյու Յորք՝ մասնակցելու ՄԱԿ-ի միջոցառումներին, հայտնում է ՌԻԱ «Նովոստի»-ն։ Մասնավորապես, հուլիսի 16-17-ը նա նախագահելու է ՄԱԿ-ի Անվտանգության խորհրդի անդամ երկրների ԱԳ նախարարների մակարդակով բաց բանավեճերը:
Հիշեցնենք, որ ՄԱԿ-ի Անվտանգության խորհրդի նախագահությունը հուլիսի 1-ից մեկ ամսով անցել է Ռուսաստանի Դաշնությանը։
Լավրովն այսօր կնախագահի բազմակողմ համագործակցության վերաբերյալ բաց բանավեճը, իսկ վաղը նա կվարի նախարարների մակարդակով բաց բանավեճը, որը կկենտրոնանա Մերձավոր Արևելքում տիրող իրավիճակի, այդ թվում՝ պաղեստինյան ճգնաժամի կարգավորման վրա:
ՌԴ արտաքին գործերի փոխնախարար Սերգեյ Ռյաբկովը լրագրողներին ասել է, որ ԱՄՆ-ն, Նյու Յորքում կայանալիք միջոցառումների շրջանակում, Լավրովի և Միացյալ Նահանգների պետքարտուղար Էնթոնի Բլինկենի միջև հանդիպում չի խնդրել:
