Բաժիններ՝

Իսրայելական տանկերը հասել են Ռաֆահ քաղաքի կենտրոն․ Reuters

Իսրայելի բանակի տանկերը և զրահամեքենաները հասել են Գազայի շրջանի հարավում տեղակայված Ռաֆահ քաղաքի կենտրոնական հատված։

Այս մասին հայտնում է Reuters գործակալությունը՝ վկայակոչելով ականատեսներին։ Ռաֆահի կենտրոնական Ալ-Աուդա մզկիթի մոտ նկատվել են տանկեր և զրահամեքենաներ՝ զինված գնդացիրներով։

Իսրայելական զինվորականները հայտարարել են, որ իրենց ուժերը շարունակում են գործել Ռաֆահի շրջանում՝ չմեկնաբանելով քաղաքի կենտրոն հաղորդվող առաջխաղացումը:

Հաղորդվում է նաև, որ անցած գիշերվա ընթացքում իսրայելական օդուժն ու տանկերը ռմբակոծել են Ռաֆահը։

Ըստ Գազայի հատվածի առողջապահական համակարգի հաղորդման՝ Ռաֆահ քաղաքում փախստականների վրանային ճամբարի վրա Իսրայելի հարվածի հետևանքով առնվազն 45 մարդ է զոհվել, իսկ հարյուրավոր մարդիկ տաբեր աստիճանի այրվածքներ ու վնասվածքներ են ստացել։

Միջազգային հանրությունն ու հումանիտար կազմակերպություններն արդեն իսկ դատապարտել են Իսրայելի կողմից հասցված հարվածը խաղաղ բնակչության դեմ։

Բաժիններ՝

Տեսանյութեր

Լրահոս

Լուրերի օրացույց

Մայիս 2024
Երկ Երե Չոր Հնգ Ուրբ Շաբ Կիրակի
« Ապրիլ   Հունիս »
 12345
6789101112
13141516171819
20212223242526
2728293031