Միջերկրական ծովում նավի շարժիչի խափանվելու հետևանքով 60 միգրանտ է զոհվել
Առնվազն 60 միգրանտ է մահացել Միջերկրական ծովում ռետինե նավի շարժիչի խափանվելու հետևանքով: Այս մասին հայտնում է BBC-ն՝ հղում կատարելով փրկվածներին:
25 հոգու փրկել է Ocean Viking նավը, որը շահագործվում է SOS Méditerranée մարդասիրական խմբի կողմից:
Փրկվածները պատմել են, որ 7 օր առաջ ճանապարհ են ընկել Լիբիայի ափին գտնվող Զավիա քաղաքից:
Երեք օր անց նավի շարժիչը խափանվել է, ինչի հետևանքով մարդիկ մնացել են առանց սննդի ու ջրի:
Փրկվածները պատմել են, որ զոհերի թվում է առնվազն 1 երեխա:
Փրկվածները բոլորը բժշկական օգնություն են ստանում: Նրանցից երկուսը, ովքեր եղել են ծայրահեղ ծանր վիճակում, ուղղաթիռով տեղափոխվել են Սիցիլիա՝ հետագա բուժման համար:
