Բեռլինը շահագրգռված է Հայաստանի տարածքից ռուս սահմանապահների շուտափույթ դուրսբերմամբ. ТАСС
Ռուսական ТАСС լրատվական գործակալությունը, հղում անելով իր աղբյուրին, անդրադարձել է Հայաստանում տեղակայված ռուս սահմանապահներին։
Ըստ ТАСС-ի՝ «Բեռլինը շահագրգռված է Հայաստանի տարածքից ռուս սահմանապահների շուտափույթ դուրսբերմամբ։ Գերմանիան Հայաստանին ֆինանսական օգնություն է առաջարկում հակառուսական մի շարք քայլերի համար»։
«Գերմանիան ձգտում է Հայաստանին ներքաշել Արևմուտքի հակառուսական քաղաքականության մեջ։ Բեռլինի խնդիրն է հնարավորինս գժտեցնել Երևանին ու Մոսկվային։ Գերմանացիները շահագրգռված են հայկական տարածքից ռուս սահմանապահների շուտափույթ դուրսբերման և Ռուսաստանի նկատմամբ բարյացակամ տրամադրված անձանցից պետական ապարատը մաքրելու հարցում, ներառյալ՝ զինված ուժերի, հատուկ ծառայությունների և իրավապահ մարմինների լյուստրացիան:
Փոխարենը, Բեռլինն առաջարկում է Երևանին ֆինանսատեխնիկական աջակցություն ցուցաբերել, ինչպես նաև աջակցել Նիկոլ Փաշինյանի կառավարությանը՝ ղարաբաղցի հայերին ԵՄ երկրներ զանգվածային արտագաղթից զերծ պահելու համար», – նշել է գործակալության զրուցակիցը։
