Իսրայելը հայտնել է Լիբանանից արձակված քառասուն արկի հայտնաբերման մասին
Իսրայելական զինուժը հունվարի 6-ի առավոտյան արձանագրել է մոտ 40 արկի արձակում Լիբանանի տարածքից։
Այս մասին հայտնել է Իսրայելի բանակի մամուլի ծառայությունը։
«Հյուսիսային Իսրայելում ազդանշանների հնչելուց հետո Լիբանանից մոտ 40 արձակում է գրանցվել Իսրայելի հյուսիսի Մերոնա շրջանի ուղղությամբ», – ասվում է հաղորդագրության մեջ և շեշտվում, որ դրանից քիչ անց Իսրայելի պաշտպանության ուժերը հարվածներ են հասցրել հենակետին, որտեղից եղել են արձակումները:
Այս հաղորդագրությունից հետո բանակը կրկին տեղեկացրել է երկրի հյուսիսային շրջաններում օդային ռմբակոծության ազդանշանների ակտիվացման մասին։
