Ռուսաստանի ԿԸՀ-ը փաստաթղթեր է ստացել պատգամավոր Խարիտոնովին որպես ՌԴ նախագահի թեկնածու գրանցելու համար
Պետդումայի պատգամավոր Նիկոլայ Խարիտոնովին ՌԴ նախագահի ընտրություններում ՌԴ Կոմունիստական կուսակցության կողմից առաջադրված թեկնածու գրանցելու համար փաստաթղթեր են ստացվել Կենտրոնական ընտրական հանձնաժողովում, հայտնում է ՏԱՍՍ-ը:
Փաստաթղթերը ԿԸՀ աշխատանքային խմբին է ներկայացրել Խարիտոնովի ներկայացուցիչ, Պետդումայի պատգամավոր, ՌԴ Կոմունիստական կուսակցության նախագահության անդամ Գեորգի Կամնևը։
«Մենք համագումար ունեինք, որով առաջադրեցինք մեր թեկնածուին, արդեն ներկայացրել ենք առաջադրման փաստաթղթերը, հիմա ներկայացնում ենք առաջին ֆինանսական հաշվետվությունը բանկից հատուկ ընտրական հաշվի հետ կապված փաստաթղթերի հետ միասին»,- ասել է նա։
ՌԴ նախագահական ընտրությունները կանցկացվեն մարտի 15-17-ը։
