Գերմանիան Ուկրաինայի դաշնակիցը չէ. Գերմանիայի պաշտպանության նախարար
Գերմանիայի պաշտպանության նախարար Բորիս Պիստորիուսը հրաժարվել է Ուկրաինային դաշնակից համարել, սակայն նշել է, որ Բեռլինը շարունակում է ռազմական օգնություն տրամադրել իր հնարավորությունների շրջանակում։
«Մենք անում ենք այն, ինչ կարող ենք։ Նույնը վերաբերում է գրեթե բոլոր մյուս դաշնակիցներին ու գործընկերներին։ Բայց Գերմանիան Ուկրաինայի դաշնակիցը չէ և, հետևաբար, որևէ դաշինքի անդամ չէ»,- ասել է նախարարը ZDF հեռուստաընկերությանը տված հարցազրույցում։
Պիստորիուսը նաև նշել է, որ Գերմանիան երկրորդ տեղում է Ուկրաինային մատակարարվող օգնության ծավալով, սակայն ռազմական արդյունաբերությունը չի կարող մատակարարումներ ապահովել անհրաժեշտ ժամկետներում։
