Հարավաֆրիկյան Հանրապետությունում հանքահորի վերելակի ընկնելու հետևանքով կա 11 զոհ
Հարավաֆրիկյան Հանրապետության Ռյուստենբուրգ քաղաքում հանքահորի առնվազն 11 աշխատող է զոհվել վերելակի ընկնելու հետևանքով: Այս մասին հաղորդում է The Citizen պարբերականը։
Եվս մի քանի մարդ լուրջ վնասվածքներ են ստացել։
Հանքահորը շահագործող ընկերությունը հայտնել է, որ «մալուխը խափանվել է, ինչի հետևանքով աշխատողներին տեղափոխող վանդակն ընկել է»։
Բժիշկներն ու փրկարարները օգնություն են ցույց տալիս տուժածներին:
