Բայդենը հայտարարել է, որ Սի Ծինփինի հետ քայլեր են ձեռնարկել ճիշտ ուղղությամբ
ԱՄՆ-ի նախագահ Ջո Բայդենը Չինաստանի նախագահ Սի Ծինփինի հետ հանդիպումից հետո ասել է, որ իրենք «շոշափելի քայլեր» են կատարել ճիշտ ուղղությամբ։
Բայդենն այդ մասին գրել է X սոցիալական ցանցում:
Ինչպես Միացյալ Նահանգների նախագահ Ջո Բայդենի և Չինաստանի նախագահ Սի Ծինփինի բանակցությունների վերաբերյալ լրագրողների համար կայացած ճեպազրույցում հայտնել է ամերիկյան վարչակազմի բարձրաստիճան ներկայացուցիչը, Չինաստանը համաձայնել է վերսկսել ռազմական երկխոսությունն ԱՄՆ-ի հետ՝ քաղաքական և գործառնական մակարդակներում։
Բանակցությունների ժամանակ ԱՄՆ նախագահը նաև ընդգծել է Հարավչինական ծովում կայունության պահպանման և ԿԺԴՀ-ի ամբողջական ապամիջուկայնացման կարևորությունը։ Այդ մասին ասված է Սան Ֆրանցիսկոյում (Կալիֆոռնիա) Ասիա-խաղաղօվկիանոսյան տնտեսական համագործակցության գագաթնաժողովի շրջանակներում երկու երկրների ղեկավարների բանակցությունների վերաբերյալ Սպիտակ տան հրապարակած հաղորդագրության մեջ:
