Հյուսիսային Կորեան փակել է իր դեսպանատները աշխարհի մի շարք երկրներում
Հյուսիսային Կորեան շուրջ մեկ տասնյակ դեսպանատներ է փակել Իսպանիայում, Հոնկոնգում և աֆրիկյան մի շարք երկրներում։ Reuters գործակալությունը հայտնում է, որ փակվել է Փհենյանի դիվանագիտական առաքելությունների 25 %-ը։
Հարավային Կորեայի միավորման նախարարությունը հայտարարել է, որ Հյուսիսային Կորեայի այս քայլը ցույց է տալիս, որ երկիրը դժվարություններ ունի օտարերկրյա պետություններում գումար աշխատելու հետ, ինչի պատճառը միջազգային պատժամիջոցներն են։ Հարավային Կորեայի միավորման նախարարությունը հայտարարել է, որ Հյուսիսային Կորեայի այս քայլը ցույց է տալիս, որ երկիրը դժվարություններ ունի օտարերկրյա պետություններում գումար աշխատելու հետ, ինչի պատճառը միջազգային պատժամիջոցներն են։Ըստ տարբեր փորձագետների՝ դեսպանատների փակումը նաև վկայում է Հյուսիսային Կորեայի տնտեսական անկման մասին։
Անգոլայում և Ուգանդայում ԿԺԴՀ-ի դեսպաններն անցյալ շաբաթ հրաժեշտ են տվել այդ երկրների ղեկավարներին՝ չնայած և՛ Անգոլան, և՛ Ուգանդան 1970-ականներից բարեկամական հարաբերություններ ունեն Հյուսիսային Կորեայի հետ և համագործակցում են ռազմական ոլորտում։
Հյուսիսային Կորեան պաշտոնական հարաբերություններ ունի 159 երկրների հետ, սակայն դիվանագիտական առաքելություններ ունի 53 օտարերկրյա պետություններում։
