Կարմիր խաչի մի խումբ ներկայացուցիչներ շարունակում են մնալ Ստեփանակերտում
Սեպտեմբերի 19-ին և դրան հաջորդող օրերին, երբ Արցախի խաղաղ բնակիչներն իրենց բնակավայրերից բռնի տեղահանվեցին, շատ քիչ թվով մարդիկ, որոնք ի վիճակի չէին կամ ցանկություն չունեին դուրս գալու, մնացին Արցախում։
Նրանց այցելում և անհրաժեշտ աջակցություն են ցուցաբերում ԿԽՄԿ ներկայացուցիչները։
168.am-ի հետ զրույցում ԿԽՄԿ ներկայացուցիչն ասաց, որ Կարմիր խաչի մի խումբ ներկայացուցիչներ շարունակում են մնալ Ստեփանակերտում։
«ԿԽՄԿ-ն շարունակում է աշխատել Արցախում։ Այդ խմբում կան բժիշկներ, որոնք այցելում են Արցախում մնացած մարդկանց, եթե դրա անհրաժեշտությունը լինում է»,- նշեց մեր զրուցակիցը։
Թե քանի մարդ է մնացել Արցախում, Կարմիր խաչը չի կարող հրապարակել, քանի որ փակ տեղեկատվություն է։
