Ֆուտզալի Հայաստանի ընտրանին արտագնա խաղում զիջել է Պորտուգալիային
Հայաստանի ֆուտզալի հավաքականը կրկին զիջել է Եվրոպայի և աշխարհի չեմպիոն Պորտուգալիային:
Այս մասին գրում է Հայաստանի ֆուտբոլի ֆեդերացիան: Պորտուգալիայում կայացավ ՖԻՖԱ Ֆուտզալի աշխարհի 2024 թ. առաջնության էլիտ ռաունդի Պորտուգալիա-Հայաստան հանդիպումը: Ընտրանին զիջեց մրցակցին 1:7 հաշվով:
Այս տուրից հետո էլ Հայաստանի հավաքականը մրցաշարային աղյուսակում մնում է վերջին` 4-րդ տեղում: Նազարեթյանի գլխավորած թիմն Էլիտ Ռաունդում ունի ևս երկու հանդիպում: Դեկտեմբերի 15-ին Հայաստանը Երևանում կխաղա Վրաստանի, իսկ դեկտեմբերի 20-ին` արտագնա հանդիպում կունենա Ֆինլանդիայի հետ:
