Հրդեհ` Ջերմուկի խճուղում 15 տոննայանոց հեղուկ գազի ռեզերվուարում. 47 մարդ տարհանվել է. 3 վիրավորներից 2-ի վիճակը ծանր է

Ջերմուկի խճուղում գտնվող հեղուկ գազի լիցքավորման կետերից մեկում՝ մոտ 15 տոննա տարողությամբ հեղուկ գազի վերգետնյա ռեզերվուարում հոկտեմբերի 4-ին ժամը 23։00-ի սահմաններում հրդեհ է բռնկվել: Փրկարար ծառայությունից հայտնում են, որ հայտարարվել է հրդեհի բարդության «Թիվ 2» աստիճան:

Մինչ փրկարարների կանչի վայր հասնելը՝ Տ. Բ.-ն (ծնված 1970 թ.), Ժ. Բ.-ն (ծնված 1991 թ.) և Մ. Մ.-ն (ծնված 1982 թ.) տարբեր աստիճանի այրվածքներով հոսպիտալացվել են բժշկական կենտրոններ, որտեղ բժիշկները Տ. Բ.-ի և Ժ. Բ.-ի առողջական վիճակը գնահատել են ծանր, իսկ Մ. Մ.-ինը՝ միջին ծանրության:

47 քաղաքացի տարհանվել և տեղափոխվել է անվտանգ տարածք։