Փաշինյանն ուժեղացնում է իրենց անվտանգությունը. ՊՊԾ-ին տրվող գումարն ավելացվել է 1.5 միլիարդ դրամով
Փաշինյանի Կառավարությունը շարունակում է ավելացնել իր և այլ բարձրաստիճան պաշտոնյաների անվտանգությունն ապահովող և ուղիղ իր ենթակայությամբ գործող Պետական պահպանության ծառայության տարեկան բյուջեն։
Հիշեցնենք, որ այս ծառայությունը նախկինում գործում էր Ազգային անվտանգության ծառայության ենթակայությամբ, վերջին մի քանի տարին անցել է ուղիղ Փաշինյանի ենթակայությանը։
Եվ այսպես, 2024 թվականի պետական բյուջեի նախագծով՝ այս ծառայությանը նախատեսվում է հատկացնել 5,984.6 մլն դրամ կամ 1,520.0 մլն դրամով ավելի, քան 2023 թվականի ՀՀ պետական բյուջեով էր հատկացվել:
Նշենք, որ պետական բյուջեով նախատեսված գումարներից զատ, Կառավարությունը տարվա ընթացքում այս ծառայությանը հավելյալ գումար է հատկացնում նաև Կառավարության պահուստային ֆոնդից. վերջին հատկացումը տասն օր առաջ էր կատարվել՝ պահուստային ֆոնդից 267 միլիոն դրամ՝ բարձրաստիճան պաշտոնյաների անվտանգությունն ապահովելու նպատակով։
