Ինչո՞ւ են սրանք անընդմեջ բզբզում արջին
Արման Աբովյանը գրում է․ «Այս իշխանության հակառուսական քայլերն իրականում աննորմալության են հասնում։
Բոլոր նրանք, ովքեր հիմա ռուսատյացությունից գժված, քաղաքական հիմարությունով են զբաղվում հայկական ԶԼՄ-ներում և սոցցանցերում, այդ մարդիկ կամ աներևակայելի բութ են, կամ պարզապես չեն հասկանում, որ Հռոմի ստատուտի վավերացումը անխուսափելիորեն կհանգեցնի հարաբերությունների կտրուկ վատթարացման ոչ միայն ռուսների, այլև իրանցիների և չինացիների հետ։
Հասկանալի է, որ Հռոմի ստատուտի վավերացումը բացառապես հակառուսական քայլ է, քանի որ բացի իշխանությունների կեղծ արդարացումներից, թե այդ մեխանիզմը Հայաստանում ընդունվում է բացառապես «ադրբեջանցի ռազմական հանցագործներին պատժելու» համար, մենք կոնկրետ ոչինչ չենք լսել Հայաստանի ներկայիս իշխանության հետագա իրավական քայլերի մասին։ Ավելին, հայկական ղեկավարությունը համեղ ուտում է, քաղցր խմում, հաճույքով շփվում, կատակներ անում և բանակցում նրանց հետ, ովքեր հայասպաններ են, այսինքն՝ Ալիևի և Էրդողանի։
Ես կարծում եմ, որ Հռոմի ստատուտի վավերացումը ինչ-որ վասալային երդում է Արևմուտքին՝ հակա-եվրասիական վեկտորը լիարժեք բռնելու համար։
Խոսքը ռուսների կամ իրանցիների մասին չէ, խոսքը մեր և հայության շահերի մասին է։
«Հայաստանի անկախության և պետականության» համար թավշյա պայքարողներն արդեն զրկել են երկիրը՝ և անկախությունից, և պետականությունից, երբ որոշել են Հայաստանում իրար բախել Արևմուտքին և Արևելքին:
Իսկ ռուսները կարող է՝ վատ դաշնակիցներ են, բայց նրանք ահավոր թշնամիներ են։
Չեք՞ հասկանում»։
