Տորթ «Էսկիմո»

Բաղադրիչներ`

Խմորի համար`

• 10 ձվի սպիտակուց

• շաքարավազ- 1,5 բաժակ

• կակաո- 3 ճ/գ

• ալյուր- 6 ճ/գ

• վանիլին

Կրեմի համար`

• 10 ձվի դեղնուց

• շաքարավազ- 1,5 բաժակ

• օսլա- 5 ճ/գ

• կաթ- 3 բաժակ

• կարագ- 400 գ

• վանիլին

Ջնարակի համար`

• շաքարավազ- 1 սուրճի բաժակ

• կակաո- 3 ճ/գ

• թթվասեր- 150 գ

Պատրաստման եղանակը`

Սպիտակուցները շաքարավազով հարել, որպեսզի ստացվի պինդ բեզե, ապա ավելացնել ալյուրը, կակաոն և վանիլինը։ Անհրաժեշտ է զգուշությամբ խառնել սիլիկոնե թիակով, որպեսզի խմորը չնստի։

Ջեռոցամանը նախապես կարագով պատել, խմորը լցնել և թխել 160°-ում՝ 25-30 րոպե։

Կրեմի համար ձվի դեղնուցները, շաքարավազը, օսլան և կաթը եփել մարմանդ կրակի վրա, մինչև թանձրանա։ Թողնել լրիվ սառչի։

Կարագը հարել մինչև սպիտակի, ընթացքում ավելացնել վանիլինը, ապա գդալ-գդալ ավելացնել եփած կրեմն ու շարունակել հարել։ 30 րոպե դնել սառնարանում, որպեսզի սառչի։

Կրեմը լցնել բիսկվիթի վրա հաստ շերտով, տարածել և հարթեցնել, դնել սառնարանում 4-6 ժամ կամ ողջ գիշեր։

Ջնարակի համար շաքարավազը, կակաոն և թթվասերը խառնել, եփել 2 եռ, թողնել թեթևակի հովանա, լցնել տորթի վրա, տարածել, թողնել սառչի։