Միջազգային դատարանը վերահաստատել է Լաչինի միջանցքով ազատ տեղաշարժն ապահովելու վերաբերյալ իր որոշումը
Արդարադատության միջազգային դատարանը հուլիսի 6-ին Լաչինի միջանցքում անցակետ տեղադրելու առնչությամբ Հայաստանի դիմումի վերաբերյալ որոշում է կայացրել։
Այս մասին հայտնում է Միջազգային իրավական հարցերով ներկայացուցչի գրասենյակը։
«Ռասայական խտրականության բոլոր ձևերի վերացման մասին կոնվենցիայի շրջանակներում քննվող Հայաստանն ընդդեմ Ադրբեջանի գործով իր՝ 2023 թվականի փետրվարի 22-ի միջանկյալ միջոց կիրառելու մասին որոշման լրացման մասին Հայաստանի խնդրանքի վերաբերյալ, որը պայմանավորված էր Ադրբեջանի կողմից Լաչինի միջանցքում անցակետ տեղադրելու փաստով։
Դատարանը վերահաստատել է իր 2023 թվականի փետրվարի 22-ի որոշումը, որով պարտավորեցրել էր Ադրբեջանին՝ ձեռնարկել բոլոր միջոցները երաշխավորելու Լաչինի միջանցքով քաղաքացիների, տրանսպորտային միջոցների և բեռների՝ երկու ուղղություններով անխափան տեղաշարժը, գտել է, որ այս պահին չկա իր 2023 թվականի փետրվարի 22-ի որոշումը լրացնելու անհրաժեշտությունը»,- նշված է հաղորդագրության մեջ։.՜,
