Իտալիայում հեղեղների զոհերի թիվը հասել է 14-ի, հազարավոր մարդիկ տարհանվել են
Իտալիայի Էմիլիա Ռոմանիա մարզի ավելի քան 20 գետ դուրս է եկել ափերից այն բանից հետո, երբ մեկուկես օրվա ընթացքում գրանցվել են 6 ամսվա տեղումներ: Ավելի քան 13 հազար մարդ տարհանվել է: Ռավեննայի նահանգի Ֆաենցա քաղաքում այսօր գտել են հեղեղների 14-րդ զոհի մարմինը: Այս մասին տեղեկանում ենք La Repubblica պարբերականից:
Ռավեննայի մի շարք բնակավայրերում բնակիչների տարհանում է հայտարարվել: Էմիլիա Ռոմանիայում շուրջ 280 սողանք է տեղի ունեցել:
Մարզի գլխավոր մայրուղիներով երթևեկությունը կարգավորվել է, սակայն շատ ճանապարհներ դեռ փակ են:
