«Աշխարհը չի ընդունում Բաչկովի պարտությունը». Կարեն Աղամալյան
Հայաստանի բռնցքամարտի տղամարդկանց թիմը երկու մեդալ նվաճեց աշխարհի առաջնությունում: «Արմենպրես»-ը թեմայի շուրջ Podcast-Sport-ի շրջանակում զրուցել է Հայաստանի բռնցքամարտի հավաքականի գլխավոր մարզիչ Կարեն Աղամալյանի հետ: Ամփոփել ենք աշխարհի առաջնության արդյունքները, ընդգծել մարզիկների աշխատանքը և խոսել Փարիզի 33-րդ ամառային Օլիմպիական խաղերի քվոտա տվող Եվրոպական խաղերից:
«Բաչկովը պրոֆեսիոնալ, փորձված բռնցքամարտիկ է: Բռնցքամարտի ամբողջ աշխարհը չի ընդունում Բաչկովի պարտությունը: Բաչկովը պատրաստ էր ոսկե մեդալին»,- զրույցի ընթացքում նկատեց մարզիչը:
Աղամալյանի խոսքով` աշխարհի առաջնության բրոնզե մեդալակիր Նարեկ Մանասյանը առաջնահերթ պետք է Փարիզի Օլիմպիական խաղերի ուղեգիր ձեռքբերի: Դա եվրոպական գոտուց քվոտա ստացող երկրների համար բարդ խնդիր է, քանի որ Աշխարհի առաջնության ավարտից մոտ մեկ ամիս անց մեկնարկում են Եվրոպական խաղերը:
