Հնդկական օվկիանոսում չինական ձկնորսական նավ է շրջվել
Հնդկական օվկիանոսի կենտրոնական հատվածում չինական ձկնորսական նավ է շրջվել, ինչի հետևանքով կորել է կապն անձնակազմի 39 անդամների հետ: Այդ մասին տեղեկանում ենք Xinhua լրատվական գործակալությունից:
Նավում եղել են Չինաստանի 17 քաղաքացի, 17 ինդոնեզացի և 5 ֆիլիպինցի։ Նրանք բոլորը համարվում են անհետ կորած: Որոնողափրկարարական աշխատանքները շարունակվում են:
Միջադեպից հետո Չինաստանի նախագահ Սի Ծինփինը կարգադրել է լրացուցիչ փրկարարական ուժեր ուղարկել դեպքի վայր և անհապաղ գործարկել արտակարգ արձագանքի մեխանիզմը:
