Բայրամովը Բրյուսելում հանդիպել է Ժոզեպ Բորելին
Ադրբեջանի ԱԳ նախարար Ջեյհուն Բայրամովը Բրյուսելում է․ նա հանդիպում է անցկացրել ԵՄ արտաքին հարաբերությունների և անվտանգության քաղաքականության բարձր ներկայացուցիչ, Եվրահանձնաժողովի փոխնախագահ Ժոզեպ Բորելի հետ։ Այցի մասին նախապես չէր հայտարարվել։
ՆԱՏՕ-ում Ադրբեջանի առաքելության ղեկավար Ջաֆար Հուսեյնզադան թվիթերյան իր էջում գրել է, որ հանդիպմանը քննարկվել են մի շարք հարցեր, այդ թվում՝ Ադրբեջանի և ԵՄ-ի հարաբերությունները։ Դեռևս տեղեկություններ չկան Բայրամովի բրյուսելյան այցի օրակարգից։
Հավելենք, որ վերջերս էլ այցով Բրյուսելում էր Ադրբեջանի նախագահ Իլհամ Ալիևի օգնական, նախագահականի արտաքին քաղաքական հարցերով բաժնի ղեկավար Հիքմեթ Հաջիևը։
