Կիևը փորձել է անօդաչուներով հարվածել Կրեմլին․ Պուտինի աշխատակազմը պարզաբանել է
ՌԴ նախագահի աշխատակազմից հայտնում են, որ այս գիշեր Կիևը փորձել է անօդաչուներով հարվածներ հասցնել Կրեմլին։
«Անօդաչու երկու սարքերի թիրախում եղել է Կրեմլը։ Զինվորականների և հատուկ ծառայությունների ձեռնարկած գործողությունների շնորհիվ՝ սարքերը շարքից դուրս են բերվել»,-ասված է հաղորդագրության մեջ։
Ըստ հաղորդագրության՝ հատուկ ծառայությունները ռադիոտեղորոշիչ պայքարի համար գործածվող սարքեր են օգտագործել։
ՌԴ նախագահի աշխատակազմից հայտնում են, որ ՌԴ ն նախագահը չի տուժել, նրա աշխատանքային գրաֆիկում փոփոխություններ չեն եղել։
Անօդաչու սարքերի կտորներն ընկել են Կրեմլի տարածքում, սակայն տուժածներ չկան։
