«ՀՀ երեք նախագահներն ու Վեհափառը պետք է կոչով հանդես գան». Կարեն Քոչարյան
Կարեն Քոչարյանը ֆեյսբուքյան իր էջում գրում է. «Բոլորն անվերջ հարցնում են՝ «Ի՞նչ պետք է անել, որպեսզի այս իրավիճակից դուրս գանք»:
Մենք արդեն հասել ենք այն կետին, որից հետո անիմաստ ամբիցիաների դրսևորումը, նախկին մեղքերի մեջ միմյանց մեղադրելը, մեղավորներ փնտրելն ավելի կխորացնի դժոխքի վերածված այս իրավիճակը:
Հիմա միայն համախմբումը կփրկի: Առաջարկում եմ նման համատեղ կոչով հանդես գան ՀՀ երեք նախագահներն ու Վեհափառը:
Հենց այս միավորումը միայն կարող է համախմբել Հայաստանի, Արցախի և Սփյուռքի բոլոր առողջ ուժերին: Պայմանը մեկն է. նախկին նախագահները պետք է հայտարարեն, որ նրանցից և ոչ մեկն այլևս իշխանության չի հավակնելու: Թերևս այդ կազմը կարող է լինել հաջորդ՝ ԱԶԳԱՅԻՆ ՀԱՄԱՁԱՅՆՈՒԹՅԱՆ ԿԱՌԱՎԱՐՈՒԹՅԱՆ թիվ մեկ խորհրդակցական մարմինը… ոչ ավելին»:
