Հայաստանում ԱՄՆ դեսպանն այցելել է Մատենադարան
Հայաստանում ԱՄՆ դեսպան Քրիստինա Քվինն այցելել է Հայաստանի հնագույն ձեռագիր մատյանների թանգարան-ինստիտուտ՝ Մատենադարան:
Ինչպես տեղեկանում ենք ՀՀ-ում ԱՄՆ դեսպանության տարածած հաղորդագրությունից, դեսպանի համար հավասարապես տպավորիչ էին թե՛ այնտեղ պահվող հնագույն ու եզակի ձեռագիր մատյանների անկրկնելի հավաքածուն, թե՛ հմուտ ու նվիրված գիտաշխատողների ու վերականգնող մասնագետների աշխատանքը, որի շնորհիվ պահպանվում ու աշխարհին է հրամցվում հայ ժողովրդի գիտական ու գրական ժառանգությունը։
