Ֆրիկասե. սպիտակ սոուսի մեջ պատրաստված սպիտակ մսից ռագու
Բաղադրիչներ
Խոզի ֆիլե – 300 գրամ
սունկ – 150 գ
թթվասեր – 2 ճ/գ
պանիր – 50 գ
ալյուր – 1 ճ/գ
բուսայուղ – 1 ճ/գ
աղացած համեմ – կես թեյի գդալ
սոխ – 1 հատ
սխտոր – 2 հատիկ
ջուր – 100 մլ
թարմ կանաչի
աղ, պղպեղ, համեմունքներ՝ ըստ ճաշակի
Պատրաստման եղանակը
Միսը լվանալ, չորացնել թղթե սրբիչով, կտրատել խորանարդաձև։
Սունկը լվանալ, կտրատել։
Սոխը նույնպես պետք է կտրատել խորանարդաձև։
Միսը ձեթի մեջ տապակել այնքան, մինչև կարմրի, ավելացնել սունկը, սոխն ու քերչով անցկացրած սխտորը, ապա ավելացնել նախընտրած համեմունքներն ու աղը:
Տապակել 8-10 րոպե՝ ժամանակ առ ժամանակ խառնելով։
Լցնել ջուրն ու թթվասերը։ Ավելացնել պանիրը և եփել մարմանդ կրակի վրա, եռալուց հետո ավելացնել ալյուրը և խառնել մյուս բաղադրիչներին։ Եփել այնքան, մինչև սոուսը թանձրանա։
Վերջում ավելացրեք կանաչիները։
Որպես խավարտ՝ ֆրիկասեի հետ մատուցում են եփած բրինձ։
