Շիրակի մարզում փակ ճանապարհներ չկան
Շիրակի մարզում այս պահին փակ ճանապարհ չկա:
Այս մասին «Արմենպրես»-ի հետ զրույցում ասաց Շիրակի մարզպետարանի քաղաքաշինության վարչության պետ Խաչատուր Խնձրցյանը՝ տեղեկացնելով, որ մարզի ճանապարհների սպասարկումն իրականացնող ընկերություններն այս պահին էլ շարունակում են ճանապարհների մաքրման աշխատանքները: «Ձյան տեղումները այս պահին շարունակվում են, որոշ տեղերում ձյան բարձրությունը 5 սանտիմետրի է հասնում: Իրականացվում են ճանապարհների աղ-ավազային մշակման աշխատանքներ»,- նշեց պատասխանատուն՝ վստահեցնելով, որ համայնքներից ճանապարհների դժվարանցանելիության կամ անանցանելիության մասով ահազանգ դեռ չեն ստացել:
