«Մենք օգնության հասանք Ղարաբաղի մեր եղբայրներին»․ Էրդողանի խոստովանությունը
Թուրքիայի նախագահ Ռեջեփ Թայիբ Էրդողանն այսօր ելույթ է ունեցել կուսակցական հավաքի ընթացքում, որտեղ անդրադարձել է նաև Թուրքիայի դերակատարությանը 2020 թվականի 44-օրյա պատերազմի ժամանակ։
Նա ըստ էության հրապարակայնորեն, պաշտոնապես խոստովանել է, որ Թուրքիան մասնակցել է պատերազմին, աջակցել Ադրբեջանին, որին անվանում է եղբայրական պետություն։
Թուրքական ԶԼՄ-ների փոխանցմամբ, նա մասնավորապես ասել է․ «Ղարաբաղում մենք եղբայրներ ունենք, օգնության հասանք նրանց։ Նմանապես մենք եղանք Լիբիայում։ Ամենուր, որտեղ մեր եղբայրներն են, այնտեղ Թուրքիան է»։
