Քիմ Քարդաշյանն անդրադարձել է Արցախում ստեղծված իրավիճակին
Հայտնի հայազգի հեռուստաաստղ Քիմ Քարդաշյանն իր սոցիալական ցանցերի էջերում անդրադարձել է Արցախում ստեղծված հումանիտար ճգնաժամին։ Նա 8 ժամ առաջ Ֆեյսբուք և Ինստագրամ ցանցերի իր էջերի «Պատմություն» (Story) բաժնում կիսվել է «Զարթոնք» լրատվամիջոցի պատրաստած գրառմամբ․
«Հրատապ։ Արցախը մթնում է, քանի որ Ադրբեջանի շրջափակման 23-րդ օրը ամբողջ երկրում էլեկտրաէներգիայի անջատումից հետո ջերմաստիճանը հասել է 0°-ի։ Վերջին մի քանի ժամերի ընթացքում ամբողջ Արցախի Հանրապետությունում հոսանքն անջատվել է։
Էլեկտրաէներգիայի անջատման պատճառն այս պահին հայտնի չէ։
Ձմռան ամենաթեժ պահին Արցախում ջերմաստիճանը հասնում է 0 °F-ի (-17,78 °C):
Էլեկտրաէներգիայի անջատումները որոշ շրջաններում վերջերս սովորական են դարձել, բայց հազվադեպ են ամբողջ երկրի տարածքի դեպքում»,- ասված է գրառման մեջ։
Այս գրառումը Քարդաշյանը կիսվել է՝ «Մենք այս պահին ունենք աշխարհի ուշադրության կարիքը» մեկնաբանությամբ։
