Թուրքիայում գործազրկությունն աճել է
Թուրքիայի վիճակագրական ծառայության հայտնած տեղեկությունների համաձայն՝ երկրում գրանցվել է գործազրկության մակարդակի աճ։ Այն ավելացել է 0․1 տոկոսային կետով և հասել 10․2 տոկոսի։ Այս մասին տեղեկացնում է ermenihaber.am-ը։
Արական սեռի քաղաքացիների շրջանում գործազրկության ցուցանիշը կազմում է 8․6 տոկոս, իսկ իգական սեռի քաղաքացիների շրջանում ՝ 13․3 տոկոս։
Հայտնի է դարձել նաև այն, որ գործազրկության մակարդակն աճել է երիտասարդության շրջանում ևս, մասնավորապես 15-24 տարիքային խմբում։ Նախկին 20․1 տոկոսի փոխարեն այժմ նրանց 21․9 տոկոսն է համալրում գործազուրկների շարքերը։
