Շահագրգիռ ենք նպաստել Հայաստանի ու Ադրբեջանի միջև Խաղաղության պայմանագրի ստորագրմանը. Սերգեյ Լավրով
«Մոսկվան շահագրգիռ է աջակցել Հայաստանի ու Ադրբեջանի միջև հաղորդուղիների բացմանն ու խաղաղության պայմանագրի ստորագրմանը»,- այսօր Մոսկվայում Ադրբեջանի ԱԳ նախարար Ջեյհուն Բայրամովի հետ հանդիպմանը հայտարարել է Ռուսաստանի արտգործնախարար Սերգեյ Լավրովը:
Սերգեյ Լավրովը հիշատակել է բոլոր այն հարցերը, որոնք այժմ քննարկվում են Երևանի և Բաքվի միջև՝ բանակցային տարբեր հարթակներում։
«Մենք շահագրգռված ենք տրանսպորտային ուղիների ապաշրջափակմամբ, սահմանազատմամբ, խաղաղության պայմանագրով և ընդհանուր առմամբ՝ վստահության ամրապնդմամբ»,- ասել է Լավրովը:
ՌԴ ԱԳ նախարարն ընդգծել է, որ դրան հասնելու համար անհրաժեշտ է հետևել Հայաստանի, Ադրբեջանի ու Ռուսաստանի առաջնորդների միջև ձեռք բերված պայմանավորվածությունների կատարմանը։
