«Ռեալի» երկրպագուները «Բարսայի» դեմ խաղում վանկարկել են «Չավին մնա» և «Եվրոպա լիգա»
Մադրիդի «Ռեալի» երկրպագուները Կլասիկոյում հաղթելուց հետո ծաղրել են «Բարսելոնային»:
Հանդիպման վերջնամասում Ռոդրիգոյի խփած 11 մետրանոցից հետո (3:1) մադրիդցիները սկսեցին վանկարկել «Չավի, մնա»։
Խաղի ընթացքում և դրանից հետո «Սանտյագո Բեռնաբեուում» երկրպագուները նաև բղավում էին «դեպի Եվրոպա լիգա, դեպի Եվրոպա լիգա»՝ ակնարկելով «Բարսելոնայի» հնարավոր ձախողումը Չեմպիոնների լիգայի փլեյ-օֆֆում:
«Բլաուգրանան» չի կարողանա դուրս գալ Չեմպիոնների լիգայի փլեյ-օֆֆ, եթե հաջորդ փուլում «Ինտերը» հաղթի «Վիկտորյա»-ին:
