Պատգամավորն Էրդողանին կոչ է անում զբաղվել ժողովրդի իրական խնդիրներով
«Ժողովրդավարական» կուսակցության՝ Օրդուից ընտրված պատգամավոր Ջեմալ Էնգինյուրթը կոչ է արել Թուրքիայի նախագահ Ռեջեփ Թայիփ Էրդողանին մի կողմ թողնել մտացածին օրակարգերը և զբաղվել ժողովրդի իրական խնդիրներով։ Այս մասին տեղեկացնում է ermenihaber.am-ը։
Քննադատելով Էրդողանի գլխավորությամբ իշխող «Արդարություն և զարգացում» կուսակցության վարած քաղաքականությունը՝ նա նշել է, որ պետք է կանգնեցնել բնական գազի, էլեկտրաէներգիայի և վառելիքի գնաճը։
«Թոշակը 2500 լիրա է, ածուխի 1 տոննան 4500 լիրա, իսկ պարարտանյութի 1 տոննան 15000 լիրա է դարձել։ Վերադարձե՛ք երկրի օրակարգին։ Ազգը խղճալի վիճակում է», – ընդգծել է պատգամավորը՝ հիշեցնելով, որ ազգի իրական օրակարգը քաղցն է և աղքատությունը։
Էնգինյուրթը միաժամանակ նշել է, որ այդ ամենի համար մարդիկ ստիպելու են իշխանությանը շատ թանկ վճարել առաջին իսկ ընտրություններում։
