Արսեն Զախարյանը կմիանա՞ Հայաստանի հավաքականին, կամ՝ կստանա՞ քաղաքացիություն
Արսեն Զախարյանը կրկին դարձել է օրվա նյուզմեյքերը։ Ըստ լուրերի՝ Զախարյանը մտածում է Հայաստանի քաղաքացիություն ստանալու մասին, իսկ ՖԻՖԱ-ն կարող է նրան թույլ տալ փոխել ազգային հավաքականը։
Այն, որ «Դինամոյի» կիսապաշտպանը դիտարկում է այս հնարավորությունը, հայտնել է հայ լրագրող Հրաչ Խաչատրյանը։
Նա գրում է, որ դա պայմանավորված է ձմեռային տրանսֆերային պատուհանի ժամանակ Զախարյանի՝ «Չելսի» պոտենցիալ տեղափոխությամբ։
Ենթադրվում է նաև, որ ՖԻՖԱ-ն կարող է բացառություն անել և նրան թույլ տալ Ռուսաստանի փոխարեն՝ ներկայացնել Հայաստանի հավաքականը։
Սակայն Sport-Express-ի լրագրող Կոնստանտին Ալեքսեևը չի հաստատել այս տեղեկությունը։
«Մեկ ժամ առաջ տեսա Հրաչ Խաչատրյանի այս թվիթը, որ Արսեն Զախարյանը «դիտարկում է ՀՀ քաղաքացիություն ստանալու հնարավորությունը»։ Ես խոսեցի երկու մարդկանց հետ, ովքեր մտերիմ են Զահայի հետ և պետք է լինեն առաջիններից, ովքեր կիմանան: Նրանք այդ տեղեկությունը չունեն։
Ընդհանրապես Զախարյանի և քաղաքացիության թեման անընդհատ քննարկվում է։ Եվ ամեն անգամ նման ձևակերպումը, որը ոչ մի բանի չի պարտավորեցնում, «հնարավորության դիտարկում է»։ Արդեն սկսել է նմանվել «գայլ-գայլերի» մասին հեքիաթի։
Կարծում եմ՝ սա իմաստ ունի քննարկել, երբ Զախարյանը հաստատի, կամ ինչ-որ պաշտոնյա ասի, որ Արսենը փաստաթղթեր է ներկայացրել։
Ինչ վերաբերում է ՖԻՖԱ-ին ու ազգային հավաքականը փոխելու տեսքով բացառմանը, ապա խոսքը նույն պատմության մասին է։ Ինչ-որ պաշտոնյա, լավ, կամ Նոբել Առուստամյանը կասի, որ ՖԻՖԱ-ն դա կանի, հետո իմաստ կունենա քննարկել»,- Telegram-ի իր ալիքում գրել է Ալեքսեևը։
Սիրարփի Աղաբաբյան
