Շրի Լանկայի քաղաքական առաջնորդները որոշել են, որ նախագահ Ռաջապաքսը պետք է հրաժարական տա
Շրի Լանկայի քաղաքական կուսակցությունների առաջնորդները որոշել են, որ նախագահ Գոդաբայա Ռաջապաքսը պետք է հրաժարական տա իր պաշտոնից: Այդ մասին հայտնում է ՏԱՍՍ-ը՝ հղում անելով տեղական NewsWire լրատվամիջոցին:
Ավելի վաղ, երբ հայտնի էր, որ Շրի Լանկայի մայրաքաղաք Կոլոմբոյում տասնյակ հազարավոր ցուցարարներ գրավեցին նախագահի նստավայրը, տեղական լրատվամիջոցները հաղորդել էին, որ երկրում ստեղծված իրավիճակի կապակցությամբ Կոլոմբոյում սկսվել է քաղաքական կուսակցությունների ղեկավարների խորհրդակցությունը խորհրդարանի խոսնակի նախագահությամբ:
Շրի Լանկայի Դեմոկրատական Սոցիալիստական Հանրապետությունը պետություն է Հնդկաստանից դեպի հարավ՝ Հնդկական օվկիանոսում գտնվող համանուն կղզում:
