Ջեռոցում պատրաստված խոզապուխտ՝ նարնջի ջնարակով

Բաղադրիչներ

1. Խոզի ազդր – 1 հատ

2. Նարինջ – 2 հատ

3. Դափնու տերև – 3 հատ

4. Նարնջի ջեմ – 5 ճ/գ

5. Եղեգնաշաքար – 4 ճ/գ

6. Դիժոնյան մանանեխ – 2 ճ/գ

7. Աղ, սև պղպեղ

8. Սև հատիկավոր պղպեղ – 10 հատ

9. Մեխակ – 40 հատ

Պատրաստման եղանակը

1. Խոզի ազդրը՝ առանց կաշին հեռացնելու, լավ լվանալ: Դնել թասի մեջ, վրան սառը ջուր լցնել, թողնել 1 ժամ:

2. Ազդրը տեղափոխել խորը կաթսայի մեջ: Վրան աղ և սև աղացած պղպեղ քսել: Նարնջից հեռացնել կեղևը, հյութը քամել: Լցնել կաթսայի մեջ: Ավելացնել հատիկ սև պղպեղը և դափնու տերևը:

Ծածկել փայլաթիթեղով և 160 աստիճան տաքացրած ջեռոցում եփել մոտ 2 ժամ:

3. Դրանից հետո ազդրը դնել սեղանին, հեռացնել կաշին, ճարպը թողնել:

4. Սուր դանակով ճարպի վրա խորանարդներ ձևավորել, յուրաքանչյուր խորանարդի մեջ մեխակ տեղադրել:

5. Պատրաստել ջնարակը: Դրա համար ջեմը, շաքարը և մանանեխը տաքացնել միջին կրակի վրա, մինչև միասեռ զանգված ստանալը:

6. Բոլոր կողմերից ազդրը պատել ջնարակով:

7. Դնել կաղապարի մեջ և ևս 40 րոպե դնել 200 աստիճան տաքացրած ջեռոցը՝ ժամանակ առ ժամանակ ջնարակ քսելով ազդրին:

Պատրաստեց Անի Գաբուզյանը